
2015 жылдың 1 сәуірінен бастап Астана қаласында электр қуатының бағасы арзандайтын болады. Бұл жөнінде Қазақстан Респубикасының ұлттық экономика министрлігінің табиғи монополияларды реттеу департаментінің баспасөз қызметі хабарлайды.
«Ағымдағы жылдың 1 сәуірінен бастап электр қуатының орташа бостау бағасы 5 тиынды құрайды. Өзге тұтынушыларға орта есеппен 3 тиын. Осылайша, тұрғындар үшін элект энергиясының орташа бостау бағасы 1 кВт/сағ үшін (ҚҚС қосқанда) 12,49 теңге болып бекітілді. Өзге тұтынушыларға - 1 кВт/сағ үшін 16,99 теңге (ҚКС қосқанда), - делінген хабарламада.
Тарифтердің төмендеу себебі энергоөндіруші мекемелердің электр қуаты бағасын азайтуымен және технологиялық жоғалтулар өтемақысын қайта қараумен түсіндіріледі.