Алматы. 16 сәуір. 7kun.kz –  «АТФ Банк» АҚ басшылығында өзгеріс болды. Банк басшысы болып Сергей Коваленко тағайындалды.

Сергей Коваленко бұған дейін Басқарма төрағасының орынбасары қызметін атқарды.

«12 сәуірде Директорлар кеңесінің шешімімен АТФБанктің басшысы қызметінен Энтони Эспина кетті . Оны Сергей Коваленко ауыстырды», - деп хабарлады қаржы институты.

Айта кетейік, Эспина бұл қызметті 2013 жылдың мамыр айынан бастап атқарған.

Коваленко әр жылдары Индуистриалбанктегі маркетинг жөніндегі директор және «Нова почта» компаниясының даму жөніндегі басшысы болып жұмыс істеді.

2015 жылы АТФ Банктің басқарушы директоры болып тағайындалды.

2017 жылғы сәуірден бастап басқармасы төрағасының орынбасары қызметін атқарды.