Алматы. 14 наурыз. 7kun.kz - Осы жылы Қазақстанға халал стандартына сай, татарлық "Тюбетей" фаст-фуд желісі кіреді. Бұл туралы "Татар-информ" ақпарат агенттігіне берген сұхбатында желінің негізін қалаушы Сұлтан Сафин мәлімдеді.
"Осы жылы Қазақстанда ашылуды жоспарлап отырмыз. Елдің солтүстігінде, Ресеймен шекаралас аймақтан тұрақты әріптес табылды. Алғашында дәмхана форматында ашылады", - деді Сұлтан Сафин.
Бүгінде желінің Ресейдің 14 өңірінде нүктесі бар. Фаст-фудтың ас мәзірі негізінен татар тағамдарынан тұрады. Басшылықтың сөзінше, барлық өнім халал стандартына сай келеді.
"Тюбетей" - татар бренді, міндеті - татар мәдениеті мен ас мәзірін өзге аймақтарға, ұлттарға тарату.
