Алматы. 26 шілде. 7kun.kz  – ҚР Инвестициялар және даму вице-министрі Тимур Тоқтабаев және ЭЫДҰ Еуразиялық бөлімінің басшысы Уильям Томпсонның төрағалық етуімен Орталық Азиядағы сауда және көліктік байланыстылықты арттыру бойынша аймақтық кеңес өткізілді.

Кездесуге сондай-ақ Өзбекстан Республикасының сыртқы сауда министрінің орынбасары Сахиб Саифназаров, Қырғыз Республикасының Көлік министрінің орынбасары Азимхан Жусубалиев және Тәжікстан Республикасы Көлік министрлігі мен Моңғолияның Көлік министрлігінің делегациялары қатысты.

Кездесу барысында «Жергілікті қосылған құн тізбектерін оңтайландыру» бірлескен жобасы аясында Орталық Азия елдеріндегі транзиттік әлеуетті нығайту және дамыту мәселелері бойынша Халықаралық көлік форумы мен ЭЫДҰ-ның алғашқы ұсыныстары ұсынылды.

Жобаның бірінші кезеңінің негізгі нәтижелері: жүк тасымалы саласындағы ұлттық саясатты талдау, Орталық Азиядағы сауда және көлік байланысын нығайтудағы аймақтық саясат пен инфрақұрылымның рөлі, көліктік жоспарлау мен басқаруды бағалау болады.