Алматы. 14 желтоқсан. 7kun.kz – Қараша айында автоорталықтардың ресми дилеріне 4187 автокөлік сатылды, бұл осы жылдың қазанымен салыстырғанда 9,6% -ға жоғары, бірақ бұл 2015 жылдың қараша айына қарағанда 32,4%-ға төмен. Бұл туралы «ҚазАвтоПром» АҚ баспасөз қызметі хабарлады.

Қараша айының көрсеткіші бойынша жеңіл автокөліктерді доллармен сату жыл басынан бері тұңғыш рет былтырғы көрсеткіштен басым түсті. «1 айдың ішінде қазақстандықтар жаңа көліктер сатып алу үшін 97,4 млн доллар жұмсаған, бұл 2015 жылдың қараша айындағы сәйкес мәнінен 17% жоғары», - деп айтылады КазАвтоПром хабарламасында. Жалпы алғанда, 2016 жылдың қаңтар-қараша айларында ресми дилеріне 38 779 жеңіл және жеңіл коммерциялық автокөлік сатылды, ол өткен жылдың осы кезеңіне қарағанда 56%-ға төмен сатылды. 2015 жылы 88 396 бірлік сатылған. 2016 жылдың 11 айы бойынша нарық көлемі 758 млн доллар құрады. Сатып алушылардың 24%-ы қазақстандық автокөліктерді таңдаған, 76%-ы импорттық автокөліктерді сатып алған. «ҚазАвтопромның» ақпаратынша, ресми дилерлер үлесіне республика территориясында жаңа тіркелген көліктердің 95%-ы тиесілі. Ең көп сатылғандары - Toyota (7592 бірлік), Лада (7300 бірлік) және Renault (3448 бірлік) автокөліктері болды. Автокөліктер ең көп сатылған аймақтар - Алматы (11 827), Астана (6803) және Атырау (2831) қалалары.

Ұлбосын НАЙЗАҚҰЛ «7»