Қазақстанның энергетика министрлігінің сайтында бензин бағасының өзгеруі туралы бұйрық шықты. «Мұнай өнiмдерiнiң жекелеген түрлерiн өндiрудi және олардың айналымын мемлекеттiк реттеу туралы» Қазақстан Республикасының 2011 жылғы 20 маусымдағы Заңы 7-бабының 15) тармақшасына және 9-бабы 2-тармағының 3) тармақшасына сәйкес, бағаларына мемлекеттік реттеу белгіленген бөлшек саудада өткізілетін мұнай өнімдеріне ҚҚС есебімен шектік бағалар белгіленді: дизель отыны – бір литрі 99  теңге; Аи-80 – бір литрі 89 теңге; Аи-92/93 – бір литрі 108 теңге; «Осы бұйрық оның мемлекеттік тіркелген күнінен бастап қолданысқа енгізіледі және ресми жариялануға жатады», — деп хабарлайды мекеме мамандары.