Алматы. 26 мамыр. 7kun.kz - 2017 жылдың басынан бері Қазақстанда пияздың бағасы 62 пайызға, ал картоптың бағасы 48,9 пайызға қымбаттаған. Бұл туралы статистика комитеті хабарлады.

Ведомстваның мәліметі бойынша, 2017 жылдың 25 мамырында қырыққабаттың құны 32,4 пайызға, сәбіздің құны 23,6 пайызға өсті.

Сиыр етінің бағасы жыл басынан бері 9,6 пайызға жоғарылаған.

Ал қарақұмық жармасының (12,1%), қант (6,9%) және күнбағыс майының (5,9%) бағасы керісінше төмедеген.

Одан бөлек, жұмыртқа да 19,2 пайызға арзандаған.

Жалпы әлеуметтік маңызды 19 тауардың бағасы жыл басынан бері 4,9 пайызға қымбаттаған.