Алматы. 2 мамыр. 7kun.kz - 2018 жылдың бірінші кварталында қазақстандық әуе тасымалдаушылар 63,4 мрлд теңгеге қызмет көрсеткен деп жазады finprom.kz.  Бұл 2017 жылдың бірінші кварталындағы көрсеткішпен салыстырғанда 21,2 пайызға көп. Әуе компаниялар 2017 жылы жалпы жолаушылар және жүк тасымалынан 295,6 млрд теңге табыс тапқан. Ал 2016 жылғы түсім көлемі 232,4 млрд теңгені құраған еді. 2018 жылдың алғашқы үш айында әуе компаниялар қызметін 1,7 млн адам қолданған. Сондай-ақ, әуе компаниялары арқылы 5,24 мың тонна жүк тасымалданған.