Алдағы 5 жыл ішінде Қазақстанның машина жасау саласында 13 мыңнан астам жұмыс орны құру жоспарлануда. Бұл туралы «ҚазАқпарат» ХАА-ның ресми сауалына орай ҚР Инвестициялар және даму министрлігі Индустриялық даму және өнеркәсіптік қауіпсіздік комитетінен хабарлады.

«Индустриялық-инновациялық даму мемлекеттік бағдарламасының екінші бесжылдығы аясында машина жасау саласы жобаларын жүзеге асыру барысында жобалардың құрылысы кезінде 4606 жұмыс орнын, іске қосу барысында 13231 жұмыс орнын құру жоспарлануда», - деп атап өткен ведомстводан. Қазіргі сәтте ИИДМБ екінші бесжылдығы аясында машина жасау саласының 39 жобасын жүзеге асыру жоспарланып отыр. www.inform.kz