"Қазақтелеком" компаниясы 2015 жылдың 31 наурызына дейін "Теле2 Қазақстан" ұялы байланыс операторын сатып алу туралы келісім-шартты жариялайды. Бұл туралы  осы саладағы дереккөзге сілтеме жасап Kursiv.kz хабарлайды. Дереккөздің айтуынша елдегі күрделі экономикалық ахуалға байланысты  келісім-шарт уақыты сәуірдің соңына дейін ұзаруы мүмкін.

Бұған дейін де,  Altel мен  "Teле2 Қазақстан"  арасында келісім дайындалып жатқандығы хабарланған еді. Бірақ осы аптаның басында өткен баспасөз-мәслихаты кезінде "Теле2 Қазақстан"  басшылары бұл ақпаратты жоққа шығарған болатын. Ал Kursiv.kz жазуынша келісім -шарт шведтік компанияның "Қазақтелекомға" қосылуы түрінде болмақ.  Айта кетейік, Altel  - "Қазақтелекомның" еншілес компаниясы.  Ал "Теле2" қызметкерлеріне жаңа құрылымға жұмыс істеу үшін ауысу туралы  талап қойылмақ.

MForum порталының редакторы  Алексей Бойко активті 1 миллиард доллар деп бағалап отыр. "Теле2-нің акция пакетін есептегенде, шведтік оператор 400-700 миллион доллар алады. Бұған обьективті баға беруге болады деп ойламаймын. LTE-нің жоқ болуына байланысты компанияның алдағы болашағы бұлыңғыр. Сондықтан, екі жақты шешім болуы да мүмкін" , -деп болжам жасады ол.

Бойконың сөзіне қарағанда, Теле2  абоненттік базасы мен экономикалық көрсеткіші жағынан әлі де шығын келтіреді. " Қазақстанда болған кезде оның шығыны 357 миллион долларды құрады, ал келісім-шарт құны - 67,8 миллион доллар. Сондықтан Теле2 400 миллион долларға сатылу туралы талапқа келісе қоймас",-деді ол.

"Теле 2 Қазақстан" және Altel компаниялар арасындағы ақпарат туралы пікір білдірген жоқ.