Экономика
Выбор редактора
Қазком ApplePay арқылы төлемдерді қабылдай бастады
Қазкоммерцбанк Apple смарфондарының ApplePay қосымшасының көмегімен POS-терминалдарында контактысыз төлем қызметін көрсететін болады. Бұл туралы банктің баспасөз қызметіне сілтеме жасап, forbes.kz хабарлайды.
Қызмет туралы Қазкоммерцбанктің басқарма директоры Нұрлан Жағыпаров Алматыда өткен ұялы сервистер мен төлемдерге арналған MobiEvent халықаралық конференциясында мәлімдеді. Конференцияға қатысушыларға өз смартфонының көмегімен алғашқы контактысыз транзакцияны өткізді.
«Технологиялық тұрғыдан ApplePay-дің көмегімен төлем қызметін көрсетуге дайынбыз. Қазір америкалық картаны тұтынушылар Қазкоммерцбанктің POS-терминалы арқылы Apple смартфонының көмегімен өзі қалаған тауарлар мен қызметтерге төлем жасай алады», – деді Н. Жағыпаров.
Әзірге Аpple компаниясы ApplePay қосымшасын тек америкалық картаны тұтынушылар мен ағылшын банктерін пайдаланушыларға қолдануға мүмкіндік беріп отыр. Алайда ашық дереккөздерге сәйкес, Apple компаниясы алдағы уақытта Еуропа, Азия елдерінің банктерімен серіктестікті бастайды.
Қазіргі таңда Қазақстанда Қазкоммерцбанк POS-терминалдар желісінің 30 мыңнан астам құрылғысы бар. Олардың 5 мыңға жуығы NFC технологиясының көмегімен контактысыз төлем қабылдайды. 2016 жылы банк контактысыз төлем қабылдау қызметін 50%-дан аса POS-терминалдармен жабдықтамақ. Ал 2017 жылдың соңына дейін стационарлық желінің барлығы контактысыз төлемдерді дәстүрлі қабылдауға ауысады.
