«Астана ЭКСПО-2017» Ұлттық компаниясы БАҚ өкілдеріне арналған байқау жұмыстарын қабылдау жалғасатынын хабарлайды. Журналистердің көптеген өтініштеріне байланысты жұмыстар 2015 жылдың 15-желтоқсанына дейін қабылданады. Бұл туралы «Астана ЭКСПО-2017» көрмесінің ресми сайтында жазылған.

Байқау жеңімпаздары 2016 жылы 23-сәуірден 30-қазан аралығында Анталияда өтетін ЭКСПО-2016 көрмесіне жолдамамен марапатталады. Анталиядағы ЭКСПО "Балалар және гүлдер" тақырыбымен өтеді. Анталиядағы көрме 192 күн жұмыс істейтін болады. 8 миллион турист келеді деп болжануда. Шамамен 22 000-ға жуық әр түрлі әлеуметтік-мәдени іс-шаралар өтпек. Байқау туралы толық мәліметті мына жерден көруге болады. Фото: pressclub.kz