1 маусым - Халықаралық балаларды қорғау күні қарсаңында Астана қаласының әкімі жетім балаларға бір жолғы әлеуметтік көмек көрсететін болды. Көмек көлемі 5000 теңгені құрайды.

Аталған әлеуметтік көмек аясында 600 балаға көмек көрсетіледі деп жоспарлануда. «Дар» қоғамдық қоры аз қамтылған отбасының балаларына киім-кешек түрінде көмек бермек. Сонымен бірге, балаларға арналған мерекелік іс-шаралар да өткізіледі. Күш көрсету салдарынан зардап шеккен немесе өзге де ауыр жағдайларға тап болғандарға дағдарыстық орталықтың ұйымдастыруымен "Ертегі әлемінде" қойылымы көрсетілетін болады. Кеш соңында балаларға сыйлықтар беріледі. Одан бөлек, балалар алаңқайларына экскурсия жасалады.