Алматы. 28 маусым. 7kun.kz — Халыққа ипотекалық несие беру үшін 1 маусымда банктер 1,4 трлн теңгеден астам қаражат бөлді.

Жыл басымен салыстырғанда бұл көрсеткіш 8,4%-ға артты. Осылайша, бес ай ішінде тұрғын үйге қарыз көлемі 100 млрд теңгеден астам сомаға 1,42 трлн теңгеге дейін өсті.

Ұлттық банктің мәліметтеріне сәйкес, шетел валютасында ипотекаға – 36,2 млрд теңге, ал ұлттық валютада – 1,3 трлн теңге берілді.

Сонымен қатар, қысқа мерзімді тұрғын үй несиелері ұлттық валютада 2,06 млрд теңге, ал шетел валютасында – барлығы 163 млн теңге болды.

Ал ұзақ мерзімді (бір жылдан астам) ипотекалық қарыздарға ұлттық валютада 1,38 трлн теңге, ал шетелдерге – 36 млрд теңге берілді.