Алматы. 28 маусым. 7kun.kz – Мемлекет басшысы Бақытжан Сағынтаевты қызметінен босатты, - деп хабарлайды Ақорданың баспасөз қызметі.

«Мемлекет басшысының Жарлығымен Бақытжан Әбдірұлы Сағынтаев басқа жұмысқа ауысуына байланысты Қазақстан Республикасы Президенті Әкімшілігінің Басшысы қызметінен босатылды»,-делінген Жарлықтың мәтінінде.  

Сондай-ақ, президент Қырымбек Көшербаевты ҚР Президенті Әкімшілігінің басшысы етіп тағайындады.

«Қырымбек Елеуұлы Көшербаев Қазақстан Республикасы Президенті әкімшілігінің басшысы болып тағайындалсын, ол Қызылорда облысының әкімі қызметінен босатылсын», - делінген жарлықтың мәтінінде.