Алматы. 3 ақпан. 7kun.kz - «Даму» АҚ бұрынғы басқарма төрағасы Қаныш Тулеушин Массачучетс технологиялық университетіне қабылданды. Бұл туралы ол өзінің фейсбуктегі парақшасында жазды.

«Қымбатты достар! Сүйінші! Жарты сағат бұрын MIT-тен мені МВА бағдарламасы бойынша оқуға қабылданғаным туралы хат алдым. Бірнеше айдан бергі еңбек табысты болды. Бұл менің көптен бергі арманым еді»,- деп жазды ол.

Сөз соңында «балаларыңыздың біліміне инвестиция салуды ұмытпаңыздар! Сингапур тура солай істеген» деп жазған ол, бұрынғы қызметтестері мен басшылығына алғыс айтты.