Алматы. 10 мамыр. 7kun.kz - Талғат Ахметов Қазақстандағы ең бай 50 адамның қатарына кірді. Бұл туралы «Forbes.kz» порталының Қазақстандағы ең бай азаматтар (2017 жыл қорытындысы бойынша) рейтингінде жарияланды.

Тізімде көш бастап тұрған металл магнаты - Владимир Ким. Оның байлығы 2,5 миллиард доллларға бағаланды. Бұған 2016 жылғы мыс бағасының өсуі әсер еткен.

Қаржы, телекоммуникация, мейманхана бизнес­терімен айналысатын  Болат Өтемұратовтың байлығы 2,4 миллиард доллларға бағаланып, екінші орынды иеленді.

3-4 орындар ерлі-зайыпты Тимур және Динара Құлыбаевтарға тиесілі.

Бұл тізімге жаңадан кірген Еркін Тәтішев (№9), Қайрат Сатыбалды (№34), Талғат Ахметов (№35) және Асхат Омаров (№50) секілді есімдер бар. Талғат Ахметов – ШҚО әкімі Даниял Ахметовтың ұлы. 31 жастағы Талғат Ахметовке Павлодардағы «Казэнергокабель» АҚ (29,9%), «Павлодарский хлебобулочный комбинат» ЖШС, «KAZ InterGroup PV» ЖШС, «ТАСК Холдинг» ЖШС, «Темиржолшы» ЖШС, «Глория-фарм» ЖШС, «Павлодарская кондитерская фабрика» ЖШС және Астанадағы «Ақ сұңқар НТ» ЖШС мен «Engineering Supply Company» ЖШС секілді бірнеше ірі компаниялар тиесілі.

Дереккөз: saigez.kz