Редакция: +7 (777) 242 5522
Присоединяйтесь:

Доллар курсы қаңтар айындағы ең төменгі деңгейге жетті

Доллар курсы қаңтар айындағы ең төменгі деңгейге жетті

Алматы. 24 қаңтар. 7kun.kz — Қазақстан қор биржасында шетел валюталарына қатысты күндізгі сауда сессиясы аяқталды. Нәтижесінде 24 қаңтардағы доллардың орташа бағамы 328,52 теңгені құрады. Бұл  туралы биржаның (KASE) ресми сайтында хабарланды.

KASE ақпаратына сәйкес, АҚШ долларына қатысты сауданың төменгі курсы 328,30 теңгені құрады. Жоғарғы курс – 328,90 теңге, сауданың аяқталуы кезінде 328,40 теңге болды. Күндізгі сессияда сауда көлемі 45 млн 950 мың доллар болды. Валюта операциясына байланысты келісім саны — 155.

Айта кетейік, 2016 жылдың 5 қаңтарынан бастап шетел валюталарына қатысты теңге курсын белгілеу туралы ережеге өзгерістер мен толықтырулар енгізілді. Енді долларға қатысты теңгенің орташа ресми бағамы Қазақстан қор биржасындағы таңғы және күндізгі сессия қорытындысы бойынша белгіленеді.

Ақша айырбастау орындарында 24 қаңтардағы доллардың жоғары курсы (Алматы уақытымен – 15:50) Алматыда 329 теңгені құраған.

Похожие материалы