KASE таңғы сессияның қорытындысы бойынша, доллар курсы 270,46 теңгені құрады. Бұл туралы Қазақстандық қор биржасының ресми сайтында жазылған.

Естеріңізге салсақ, 2015 жылдың 18-қыркүйегіндегі кешкі саудада доллар курсы 279,48 теңге құраған еді. 21-қыркүйек күнгі алғашқы мәмледе сауда 280 теңге бағамымен жүрді. Бұл максимал баға, ал минимал баға 269,9 теңге болды. Операциялардың жалпы көлемі 172,9 млн долларды құрады. Барлығы- 25 қатысушы.

16-қыркүйектен бастап  ҚР Ұлттық банкі 144 млн долларға интервенция жүргізгеннен кейін, таңғы сессияда алғаш рет шетел валютасының құны 2015 жылдың 17-қыркүйегінде 270 теңге көлемін көрсеткен болатын. ҚР Ұлттық банкі үш күн қатарынан шетел валютасын төмен деңгейде ұстап тұру үшін 481,6 млн долларды жұмсады. Валюталық интервенция аясында 16 қыркүйекте -144 млн, 17 қыркүйекте -270,4 және 18 қыркүйекте 67,2 млн доллар шығарды.