Мемлекет басшысы қолданыстағы заңнаманы жаңадан қабылданған Қазақстан Республикасының Еңбек кодексіне сәйкестендіруге бағытталған «Қазақстан Республикасының кейбір заңнамалық актілеріне еңбекті реттеу мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды. Бұл туралы Ақорданың баспасөз қызметі мәлімдеді. Сондай-ақ, Елбасы бес институционалдық реформаны жүзеге асыру жөніндегі 100 нақты қадам – Ұлт жоспарын іске асыруға және еңбек қатынастары жүйесін жаңғыртуға бағытталған жаңа Қазақстан Республикасының Еңбек кодексіне қол қойды.