Алматы. 1 наурыз. 7kun.kz – Centras тобының басшысы Елдар Әбдіразақов CFO Idea Exchange & Networking event ашылуында Қазақстан экономикасы күрделі кезеңді бастан өткеретінін мәлімдеді.

"Теңгенің дәрменсіздігі, ұлттық валютаның сыртқы факторларға тәуелділігі, Ресей рубліне байлану - біздің қызметімізге, жоспарларымызға қатты әсер етеді. Біз бұрынғысынша, теңгені жоғары пайыздық мөлшерлемелерде қорғау әрекеттері жоғары несиелік мөлшерлемелерде көрініс тауып, оның көптеген қаржы ресурстарының стандартты орта бизнес үшін қол жетімсіз болып қалатынына алып келетінін көріп отырмыз", - деп атап өтті Әбдіразақов.

2019 жылғы қаңтар айының соңында банктердің экономиканы кредиттеу көлемі 12 470 млрд теңгені құрады (бір айда 4,7%-ға төмендеді). Заңды тұлғаларға берілген кредиттер көлемі 8,2%-ға, 7 150,9 млрд теңгеге дейін азайды. Ал жеке тұлғаларға берілген кредиттер көлемі 0,3%-ға 5 319,1 млрд теңгеге дейін ұлғайды.

2019 жылғы қаңтарда банктік емес заңды тұлғаларға ұлттық валютада берілген кредиттер бойынша орташа алынған сыйақы мөлшерлемесі - 12,4%, жеке тұлғаларға – 18,4% болды.

"Бүгінде ұзақ мерзімді теңгелік қаржыландыру қалыпты қазақстандық компания үшін қол жетімді емес. Бұл несие мекемелері басқа секторға барған кезде ұзақ уақытқа созылды және бүгінгі таңда жақсы қарыз алушылардың жетіспеуіне байланысты стандартты несие беру нашарлады. Бүгінде біз өзіміздің дағдарысымызға жақындадық, қаржы институттарының басым бөлігі реттеуіштің сұраныстарын қанағаттандыруға бағытталған", - деді Centras тобының басшысы.