Алматы. 09 тамыз. 7kun.kz — Ұлттық Банктің мәліметтері бойынша, жаздың басында банкоматтар саны 10,6 мың құрылғыны құрады. Бұл өткен айға қарағанда 0,8%-ға (82 банкомат) және өткен жылдың сәйкес кезеңімен салыстырғанда 6,9%-ға (685 дана) артық.

ҚР өңірлерінің арасында банкоматтардың басым бөлігі Алматыда (1,9 мың құрылғы) және Нұр-Сұлтанда (1,2 мың) шоғырланған, тиісінше ҚР аумағындағы барлық банкоматтардың 18,1% және 11,3%-ын құрайды. Үшінші орын Қарағанды облысына тиесілі: 908 банкомат немесе 8,5%.

Пайыздық арақатынаста ең үлкен жылдық өсім Алматы облысында: 18,6%-ға, 492 құрылғыға дейін; абсолюттік мәнде - Нұр Сұлтанда (105 банкоматқа) және Қарағанды облысында (101 құрылғыға) белгіленді.

ҚР ЕДБ арасында 28 банктің 15-інің жеке банкомат желісі бар. Қаржы институттарының корпоративтік сайттарынан алынған ақпаратқа сәйкес, реттеуші деректерінен ерекшеленетін банкоматтардың ең көп саны Халық Банкіне тиесілі: 5 мыңға жуық құрылғы, олардың 685-і Алматыда (13,8%) және 512-і Нұр-Сұлтанда (10,4%) орналасқан.

Екінші орында Kaspi Bank-тің банкоматтар желісі: 1,2 мың құрылғы, оның ішінде Алматыда — 339 (29%), Нұр-Сұлтанда — 179 (15,3%).

Altyn Bank (52,8%, немесе 19 құрылғы) және Capital Bank (60,6%, немесе 20 дана) өз банкомат желісінің жартысынан астамын Алматыда орналастырды. Жалпы алғанда, Capital Bank-те банкомат желісі тек орталықтарда ғана шоғырланған: қалған 13 банкоматты (желінің 39,4%) Банк Нұр-сұлтанға орналастырған.