Алматы. 31қаңтар. 7kun.kz – Қазақстанда 2019 жылдың қаңтарында ең төменгі күнкөріс деңгейі 1,8%-ға өсті (2018 жылдың желтоқсанымен салыстырғанда) және 26,9 мың теңгені құрады.

Азық-түлік өнімдеріне 14,8 мың теңге, ал азық-түлік емес тауарлар мен ақылы қызметтерге 12,1 мың теңге бөлінген.

Ең жоғары күнкөріс деңгейі Маңғыстау облысында (33,3 мың теңге), Астанада (30,4 мың теңге) және Алматыда (30,2 мың теңге), ал ең төмен күнкөріс деңгейі Жамбыл облысында (24 мың теңге) және Павлодар облысында (23,7 мың теңге) тіркелді.

Статистика комитетінің мәліметі бойынша, 2019 жылғы қаңтарда өткен аймен салыстырғанда тары (1,9%), кеспе (1,4%), күріш (1,2%), нан (0,9%), ұн (0,8%), ұн (0,6%) бағасының өсуі байқалды.

Жұмыртқа бағасы 1,9%-ға, маргарин – 1%-ға, сүт – 0,9%-ға, сары май – 0,8%-ға, майонез – 0,6%-ға, айран – 0,3%-ға, сүзбе – 0,2%-ға өсті.

Сонымен қатар, қияр 20,4%-ға, қызанақ – 17,3%-ға, қырыққабат – 4,8%-ға, сарымсақ – 4,4%-ға, басты пияз – 2,9%-ға, картоп – 0,7%-ға қымбаттады.