Алматы. 12 қазан. 7kun.kz – Жыл сайын жүргізілетін Expat Explorer сауалнамасының нәтижесі жарияланды, - деп хабарлайды Bloomberg басылымы.

Сарапшылар өз рейтингінде елдегі табыс деңгейі мен өмір сүру сапасын ескерді. Нәтижесінде жұмыс істеп, табыс табуға болатын ең тиімді ел Сингапур болды. Одан кейін бұл тізімде Жаңа Зеландия мен Германия, артынша үздік бестікте Канада мен Бахрейн елдері тұр.

Рейтингте ең жоғары жалақы алатын елдердің көшбасшысы Швейцария болып отыр. Мұнда жұмыс істеуге келген шетелдіктер жылына 202 мың доллар табыс таба алады екен. Екінші орында АҚШ (185,1 мың доллар), Гонконг (178,7 мың доллар) пен Қытай (172,7 мың доллар).