Қазақстан. 12 мамыр. 7kun.kz – Paramount компаниясы Nickelodeon HD телеарнасын қазақ тілінде іске қосты. Енді балалық шақтың сүйікті кейіпкерлері қазақ тілінде сөйлейді, деп хабарлайды 7kun.kz.

Мамандардың айтуынша, бұл қазақ тілін балалар мен жасөспірімдердің бойына сіңіруге септігін тигізетін үлкен жетістік. Бұл жерде Nickelodeon мультфильмдерінің аса танымалдығы үлкен рөл ойнайды.

Қазақ тіліндегі алғашқы мультфильмдер арасында «Губка Боб», «Элвин мен бурундуктар», «Смурфиктер», «Трансформерлер» және т.б. бар. Танымал мультфильмдердің қазақ тіліне аударылуы балалар арасындағы тілдік қамтуды 20%-ға арттырады деп күтілуде.

Соңғы уақытта қазақ тіліне танымал мультфильмдер мен киноленталар ғана емес, сондай-ақ бүкіл әлемде ең көп оқылатын әдебиеттер де аударылды. Олардың ішінде өнер, театр, этика, құқық туралы ондаған басылымдар бар.