"Amanat Insurance сақтандыру компаниясы" АҚ басқарма төрағасы болып Ерғали Бегімбетов тағайындалды. Бұл туралы Қазақстан қор биржасы хабарлайды.

"Amanat Insurance сақтандыру компаниясы ресми хат арқылы KASE-ні директорлар кеңесінің 2015 жылдың 10 наурызындағы шешімімен 2015 жылдың 12 наурызында Бегімбетов Ерғали Нұрланұлы компания басқармасының төрағасы лауазымына сайланғандығы туралы хабардар етті", - деп айтылады биржа хабарламасында.

Бегімбетов Ерғали Нұрланұлы - 2000 жылдан бері "КBS Garant сақтандыру компаниясы" ААҚ вице-президенті. Содан соң "КBS Garant сақтандыру компаниясы" ААҚ басқарма төрағасы болған.

2003 жылдың ақпанынан бастап - "ТұранӘлем Банкі" ААҚ басқарма төрағасының кеңесшісі.

2003 жылдың шілдесі мен 2015 жылдың наурыз аралығы - "Лондон-Алматы" СК басқарма төрағасы.

Сақтандыру бизнесі саласында Nationwide және Grange Insurance американдық компанияларында тәжірибеден өткен.