Германиялық Бундестагта өткен дауыс беру нәтижесінде 19 тамыз күні Грекияға үшінші қаржылай көмек пакетін бөлу мақұлданды деп хабарлайды 365info.  Жаңа көмекті басқарушы ХДО мен ГСДП коалициясының депутаттары, сонымен қатар "жасылдар" партиясы қолдап отыр. Грекияға көмек беруге 454 депутат дауыс берді. Ал, 113 парламент мүшелері "қарсы" болып, 18-і мүлдем дауыс бермеді. Енді еуоаймақтың қаржы министрлері телефон арқылы конференция өткізіп, Грекияға 26 млрд еуро көлеміндегі бірінші траншты аударуды мақұлдайды деп күтілуде. Үшінші қаржылай көмек пакетінің жалпы көлемі 86 млрд еуро болады.