Facebook пен Instagram инженерлік жұмыстардың кесірінен істемей қалды. Бұл туралы компания өкілдері мәлім етті. Олардың айтуынша, аталған мәселеге хакерлердің ешқандай қатысы жоқ.

Ресурс инженерлері бүкіл жүйеге өзгеріс енгізетін жұмыстар жүргізген, нәтижесінде компанияға қарасты екі әлеуметтік желі - Facebook пен Instagram - 27 қаңтар күні бір сағат бойы істеген жоқ.

"Біз бәрін дұрыстадық, енді қолданушылар екі әлеуметтік желіні де 100 пайыз қолдана алады", - деді Facebook өкілі.

Бүгін Астана уақыты бойынша шамамен 12.15-те Facebook және Instagram әлеуметтік істен шығып қалған болатын.

Ақпарат көзі: Tengrinews.kz