Алматы. 5 қыркүйек. 7kun.kz – Global Wildlife Travel Index рейтингі бойынша Финляндия 2019 жылы жабайы табиғатқа саяхат жасайтын елдер арасында 1 орын алды.

Зерттеуге сәйкес, ұлттық парктер саны, биоәртүрлілік, Қызыл кітапқа енгізілген жануарлар мен өсімдіктер түрлерінің жойылу қаупі, сондай-ақ табиғатты сақтау бойынша мемлекеттің күш-жігері негізгі критерийлер болды. Рейтингке барлығы 107 ел кірді.

«Әлем экологиялық таза болған сайын, біз экологиялық тұрақтылыққа, сондай-ақ табиғатты қорғаудың негізгі қағидаларын сақтау мен дамытуға байланысты факторларды зерттеуге ерекше көңіл бөлдік», - делінген зерттеуде.

Рейтинг авторлары атап өткендей, Финляндияда жануарлар мен өсімдіктердің алуан түрлері, әдемі пейзаждар бар. Сонымен қатар, елде қоршаған ортаны сақтау идеясын белсенді түрде ілгерілетуде. Global Wildlife Travel Index мәліметтері бойынша, елде 39 ұлттық парк құрылды, ал орман оның аумағының 73%-дан астамын алып жатыр.

Швеция рейтингте екінші орынды иеленді, Бразилия үшінші орында, одан кейін Канада, АҚШ, Норвегия, Испания, Германия, Польша, Словения үздік ондыққа кірді.

Он бірінші орынды Италия, одан кейін Венесуэла және Словакия, одан әрі Франция, Австралия, Коста-Рика, Латвия және Эстония иеленді. Жиырмасыншы орынды Швейцария алды. Рейтингте соңғы орынды Эль-Сальвадор Республикасы иемденді.