Франция 2014 жылы әлем бойынша бірінші туристік бағыт атағын қайтарып алды. Өткен жылы Францияға  83,7 млн турист барған, бұл 2013 жылғы көрсеткішке қарағанда 0,1%-ға артық деп хабарлайды СІМ басшысы Лоран Фабиус.

Статистикалық мәліметтерге қарағанда, 2014 жылы Францияға келген еуропалық туристер саны 1,7%-ға азайып, азиялық қонақтар қатары 16%-қа өсті.

Жекелеп алғанда, қытайлық туристер саны 61%-ға артқан. Министрдің айтуынша, бұған Қытай азаматтарының 24 сағат ішінде виза рәсімдеу мүмкіндігіне ие болуы себепші екен.