Франция. 8 шілде. 7kun.kz – Француздық Paris Match журналында 4 шілдеде «Францияға қоныс аударған миллиардер Мұхтар Әбілязовтың Крест жолы» атты мақала жарық көрді, деп хабарлайды 7kun.kz.

Айта кетейік, Мұхтар Әбілязов қазір Францияда жасырынуда, ол онда сот ісінің тоқталуына қол жеткізді. Қазақстанда және Ұлыбританияда қашқын миллиардер өмір бойына бас бостандығынан айырылса да, Парижде оның мәселесі баспана мәселелері жөніндегі Ұлттық соттың қарауында тұр. Франция соты жақында Әбілязовтың ісі бойынша шешім шығаруы тиіс.

Мақала авторы миллиардердің 2009 жылы БТА банкінен 7,5 миллиард доллар ұрлады деп айыпталғаннан кейінгі «Крест жолы» туралы еске салды.

«Лондонда ағылшындар «миллиардер аллеясы» деп атайтын Бишопс-авенюдағы сәнді үйде жайғасқан Әблязов кейіннен Нұрсұлтан Назарбаев режимінің бітіспес қарсыласы болып шығады, ол өзінің заңды күшінің негізін осымен байланыстырады. Британдық сот, шын мәнінде оны олай санамайды. Ол саяси босқын мәртебесін алып қана қоймай, 2013 жылдың басында сотты құрметтемегені үшін 22 айға бас бостандығынан айырылады. Содан кейін миллиардер Францияға автобус арқылы қашады. БТА банкінің тапсырысымен ағылшын детективтеріне оның ізіне түсу үшін он сегіз ай қажет болды», – делінген мақалада.

Сондай-ақ мақалада Мұхтар Әблязовтың қазір қайда тұрып, немен айналысып жатқандығы жазылған. Автор оны экстрадициялау мәселесіне де тоқталған.

2021 жылдың желтоқсан айындағы Фрацияның мемлекеттік кеңес соты Әбілязовқа саяси босқын статусын бергеннен кейін, CNDA жақында осы күрделі іске қатысты шешім қабылдауы керек. Бұл іс Францияның Қазақстанмен қару-жарақ сату және уран жеткізудегі байланысына әсер етуі мүмкін. Ал Әблязовтің туыстары «ең болмағанда оны экстрадициялауға мүмкіндік бермейтін қорғауға ие боламыз», деп үміттенеді.