Алматы. 30 қараша. 7kun.kz — Google компаниясы смартфон экранына қанша адам қарап тұрғанын анықтауға көмектесетін бірегей технология ойлап тапты. Аталған технология келесі аптада таныстырылады, деп мәлімдеді baribar.kz.

Бейтаныс адамдар смартфоныңыздың экранына  ұзақ үңіліп қараған кезде, Google браузерінде хат алмасу тоқтап, сізге ескерту хат жіберіледі. Уақытша «Экранды электронды қорғау» деп аталатын технология телефон фронтальды камерасының көмегімен жұмыс істейді. Бұл жүйе кез келген жағдайда іске қосылып, адамның телефонға үңіліп қарап тұрғанын 2 миллисекунд ішінде анықтайды.

Басылымның хабарлауынша, технология ресми түрде келесі аптада Калифорнияда өтетін конференцияда таныстырылады. Аталған конференция желі нейрондарына арналған. Ал әзірге Google ресми мәлімет беруден бас тартып отыр.