Иран. 6 қыркүйек. 7kun.kz – Иран соты ЛГБТ ұйымының екі белсендісін гомосексуализмді насихаттады деген айыппен өлім жазасына кесті, деп хабарлайды 7kun.kz.

Күрдтердің Hengaw құқық қорғау ұйымы 31 жастағы Захра Седиги Хамедани мен 24 жастағы Эльхам Чубдарды Урмия қаласының солтүстік-батысындағы сот шешімімен өлім жазасына кесілгенін хабарлады. Олар «жерге жемқорлық таратқаны үшін» сотталды.

Құқық қорғау ұйымдары Германия мен басқа да шет елдерді үкім күшін жою және әйелдерді босату үшін Тегеранға қысым көрсетуге үндеуде.

Amnesty International ұйымының мәлімдеуінше, ұсталған әйелдерге қатысты айыптаулар ұсталғандардың әлеуметтік желілердегі парақшаларында ЛГБТ құқықтарын ашық қорғауға үндеу жібергеніне, сондай-ақ 2021 жылдың мамырында ВВС түсірген фильмнің эфирге шығуына, Ирактың солтүстігіндегі Күрдістан аймағында ЛГТБ өкілдері құқықтарының бұзылуына байланысты жарияланымдарға негізделіп шығарылған.