Алматы. 22 қараша. 7kun.kz — Қазақстанның 2018 жылдың қаңтарында БҰҰ Қауіпсіздік Кеңесіне төрағалық етуі алдында Сыртқы істер министрі Қайрат Әбдірахманов Лондондағы Халықаралық қатынастар Корольдік Институтында (Chatham House) сөз сөйледі, деп хабарлайды ҚР Сыртқы Істер Министрлігі.

Сыртқы істер министрі Елбасы Нұрсұлтан Назарбаевтың ядролық қарусыз әлем құру идеясын жүзеге асыру, әлемдік және дәстүрлі діндер лидерлерінің съездерін шақыру туралы халықаралық бастамаларын жүзеге асыру туралы әңгімеледі. БҰҰ Қауіпсіздік Кеңесінің мүшесі ретінде Қазақстан Орталық Азиядағы қауіпсіздік мәселелері, Африкадағы бейбітшілік пен тұрақтылық, халықаралық лаңкестік пен экстремизмге қарсы тұру, Сирия дағдарысын шешу, Ауғанстандағы жағдайды шешу және БҰҰ-ын реформалауға ерекше мән береді. Кездесуге қатысушылар ЭКСПО-2017 көрмесінің мұрасы мен Жасыл Технологиялар Халықаралық Орталығы және т.б. жобаларды жүзеге асыруға қызығушылық танытты.

Қазақстан сыртқы саясат ведомствосының басшысы Лондонға сапарының маңызы сауда-экономикалық және инвестициялық ынтымақтастықты одан әрі дамыту болды. Еуропа қайта құру және даму банкінің президенті Сума Чакрабартимен кездесуде қазіргі және келешекке бірлескен жобалар талқыланды.

ЕҚДБ басшысының айтуынша, Қазақстан - Банк үшін үлгілі серіктес. Соңғы жылдары мемлекеттік және жеке сектормен бірлескен жобалардың саны айтарлықтай өсті. Қазақстанның аймақтағы және әлемдегі рөлі артты. ЕҚДБ «Бір жол, бір белдеу» мемлекеттік-жекеменшік серіктестік жобаларын іске асыруда, сондай-ақ, сыртқы нарықтарда мемлекетаралық маркетингті дамытуда Қазақстанмен ынтымақтастықты нығайтуға ниетті.

Кездесу соңында Әбдірахманов «Болашақ» бағдарламасы бойынша Ұлыбританияда оқитын қазақстандық студенттер қауымдастығымен кездесті. Сыртқы білім алған жас қазақстандықтар кешенді жаңғыртудың стратегиялық міндеттеріне және әлемнің ең дамыған 30 елінің қатарына кіруге елеулі үлес қосып келе жатқанын атап өткен Сыртқы істер министрі студенттерге оқуға деген табыстар тіледі.