Алматы. 29 сәуір. 7kun.kz – «Кек алушылар: Финал» фильмі прокаттың алғашқы күндері бүкіл әлем бойынша 644 миллион долларға жуық қаражат жинап, рекорд орнатты, - деп хабарлайды CNN.

Әлемдік прокатқа жаңа «Кек алушылар» 24 сәуір күні шықты.

Блокбастердің төртінші бөлімі «Кек алушылар: Шексіз соғыс» фильмімен орнатылған рекордты жаңартты, ол бүкіл әлем бойынша 641 миллион доллар жинаған еді. Ал «Кек алушылар: Финалдың» әлі премьералық уақыты аяқталмады.

Disney компаниясының хабарлауынша, АҚШ-тағы алғашқы демалыс күндері жаңа «Кек алушылар» 310-340 миллион доллар жинап, тағы рекорд орнатады. Қазіргі уақытта осы көрсеткіш бойынша ең үздік нәтиже 258 миллион долларды көрсеткен осы киносагаға тиесілі. 

Bloomberg сарапшылары «Кек алушылар» бүкіл әлем бойынша 2,07–2,5 млрд доллар көлемінде табыс әкеледі деп болжайды. Осы көрсеткіш бойынша фильм 2009 жылғы «Аватар» және 1997 жылғы «Титаник» сияқты көшбасшылармен бәсекелеседі.