Алматы. 30 сәуір. 7kun.kz – 2019 жылдың 2 айында көлік және коммуникацияға республикалық бюджет шығындары 33,3 млрд теңгені құрады — өткен жылмен салыстырғанда 1,1%-ға артық. 2018 жылдың сәйкес кезеңінде бұл саладағы шығындар 32,9 млрд теңгені құраған. Мұндай деректерді Finprom.kz келтіреді.

Елдің көлік саласына арналған бюджет шығындарының құрылымында темір жол көлігінің шығыстары ең үлкен үлеске ие: 42,4% немесе 14,1 млрд теңге (жылына+36,5%). Екінші орында автокөлік тасымалы: инвестиция көлемі жылына 36,6%-ға төмендеп, 10,3 млрд теңгені құрады (үлес салмағы — 31%). Су көлігі бюджет қаражатының 13,3%-ын немесе 4,4 млрд теңгені (өткен жылдың ұқсас кезеңімен салыстырғанда 92,4%) құрады.

Жалпы автокөлік жолдарын жөндеу, күтіп ұстау және сапасын жақсарту саласында шығындардың қысқаруы тіркелген: 2,6 млрд теңге, бір жыл бұрынғыдан 77,4%-ға кем.

Айта кету керек, қалалық рельстік көліктің дамуын қамтамасыз ету шығындарында ең көп өсім байқалады: 2,5 млрд теңге — 2018 жылдың сәйкес кезеңіне қарағанда 9,3 есе артық.

Қазақстанда қалалық рельстік көлікті дамыту саласында бірнеше жоба бар. Мәселен, Нұр-Султандағы LRT жобасы астаналық агломерацияны дамытуда маңызды рөл атқарады. Айта кету керек, қазіргі уақытта Astana LRT құрылысы тоқтатылды. Қаржы министрі Әлихан Смайыловтың айтуынша, мұның себебі Қытайдың мемлекеттік даму банкі тарапынан қаржыландырудың кешіктірілуі болып табылады. Қазіргі уақытта Қытай консорциумы мен Қытайдың мемлекеттік даму банкі арасында қаржыландырудың келесі транштары келісілуде.

Astana LRT компаниясының деректері бойынша, жобаның 80% Қытай даму банкінің қарыздары есебінен қаржыландырылады, ал 20% қазақстандық қаржыландыру көздерін қамтамасыз етіледі. 2018-2019 жылдарға арналған LRT жобасын орындауға бюджет қаражатынан 16,2 млрд теңге қарастырылған (2018 жылы — 9,1 млрд теңге, 2019 жылы — 7,1 млрд теңге).

2016-2020 жылдарға арналған Нұр-сұлтан қаласын дамыту бағдарламасын іске асыру туралы есепке сәйкес, «Астана қаласының жаңа көлік жүйесі.LRT» жобасы бойынша 2018 жылы 15,4 млрд теңге Қытайдың даму банкіне несие төлемдерін өтеуге бағытталды.