Алматы. 7 ақпан. 7kun.kz - globalpetrolprices.com сайтының 6 ақпандағы мәліметі бойынша бензиннің әлемдегі орташа бағасы литріне 332,79 теңге. Кеше ғана бензин құны қымбаттаған Қазақстандағы баға орташадан да төмен саналады.

Бензин ең арзан ел Вэнесуэла. Мұнда бензин бағасы литріне 2,83 теңге. Одан кейінгі Сауд Арабиясында 78,04 теңге. Ең қымбаты Норвегияда, 1 литр бензин үшін 627,10 теңге төлеуге тура келеді. Бұдан бөлек Швецияда 469 теңге, Италияда 446 және Ұлыбританияда 443 теңгеден сатылады.

Еуропалық елдердің барлығында отын қымбаттаған. Аздаған ғана өзгеріс Румынияда (-1,7%), Мальтада (-0,8%) және Болгарияда (-0,3%) байқалды. Ал дизельді отын бензинге қараған орта есеппен 16,2%-ға қымбаттаған. Көбірек өсім Грекияда, Бельгияда, Украина және Венгрияда болды. Бұл жердегі дизельді отын 26 пайызға қымбаттаған.