Алматы. 28 қазан. 7kun.kz — Louis Vuitton Moët Hennessy (LVMH) француз компаниялар тобы америкалық люкс әшекейлер бренді Tiffany & Co-ны сатып алу туралы келіссөздер жүргізіп жатыр, деп хабарлайды Bloomberg, Reuters және AFP.

Келіссөздер құпия жүргізілуде және келісімге қол жеткізілетініне ешқандай кепілдік жоқ. Tiffany келісім шарттарын зерттейтін мамандарды жалдаған, бірақ компания әзірге бұл жөнінде түпкілікті шешім қабылдаған жоқ, деп жазды "Ведомости".

Бұқаралық ақпарат құралдарында LVMH-нің зергерлік брендке күтпеген қызығушылығы бар екендігі жарияланғандықтан, келісім бұзылуы мүмкін, деп жазды Financial Times ақпарат көздеріне сілтеме жасап.

Айта кетейік, 25 қазанда Tiffany-дың биржалық капитализациясы шамамен 11,9 млрд долларды құрады,оның айналым капиталы өткен қаржы жылында 6,5%-ға 4,4 млрд долларға дейін өсті. Бұл ретте AFP компанияға қазір доллардың жоғары бағамы мен туристердің ақшалай шығыны кері әсерін тигізетінін атап өтті.

LVMH және Tiffany журналистердің сұрақтарына жауап беруден бас тартты. Зергерлік компания өкілі келіссөздер туралы ақпаратты қауесет пен алыпсатарлық деп атады.

Егер мәміле орын алса, онда ол 2017 жылы Christian Dior сатып алғаннан кейін LVMH үшін ең үлкен мәміле болады, деп еске алады Bloomberg. Financial Times Tiffany-ды сатып алған жағдайда француздық компаниялар тобы люкс зергерлік әшекейлердің нарығында өз үлесін кеңейтетінін атап өтті. 2011 жылы LVMH 5,2 млрд долларға Bulgari әшекей брендін сатып алды.