Алматы. 6 маусым. 7kun.kz - Қазақстанның Ұлттық банкі базалық мөлшерлемені +/-1% дәлізбен 10,5%-ға дейін төмендетті. Бұл туралы бүгін Алматыда өткен баспасөз мәслихатында бас банкир Данияр Ақышев хабарлады.

Мұндай шешім қабылдауға макроэкономикалық көрсеткіштер себеп болған. Сондай-ақ Ұлттық банк төрағасы экономикалық жағдай қолайлы болса, алдағы 12 айда базалық мөлшерлеменің төмендеу үрдісі жалғасатынын айтты.

- Базалық мөлшерлеменің бұдан кейінгі төмендеу жиілігі мен жылдамдығы инфляцияның және мақсатты индикаторлардың көрсеткіштеріне байланысты. Бұған қоса депозит пен несие және жалпы қаржы нарығындағы жағдай ықпал етеді, - деді ол.