Нұр-Сұлтан. 17 мамыр. 7kun.kz – Қазақстандық мал өсірушілер 2022 жылы 100 млрд теңгеден астам сомаға 62 жобаны жүзеге асыруға ниетті, деп хабарлайды 7kun.kz.

Ауыл шаруашылығы министрі Ербол Қарашөкеевтің айтуынша, өткен жылдың өзінде мал шаруашылығында жалпы сомасы 70 млрд теңгеге жуық 53 инвестициялық жоба іске асырылған.

"Осы жылы жалпы сомасы 100 млрд теңгеден асатын 2,8 мың жұмыс орны бар 62 жобаны іске асыру жоспарлануда", - деп хабарлады Қарашөкеев сейсенбі күні Үкімет отырысында.

"Мәселен, сүтті мал шаруашылығында импортты алмастыру міндетіне сәйкес 2021 жылы қуаттылығы 57 мың тонна болатын 35 сүт фермасы іске қосылды", - деп хабарлады ведомство басшысы.

Министр 2021 жылы пайдалануға берілген 35 сүт өнімдері фермасының 10-ы Солтүстік Қазақстан облысында құрылғанын атап өтті.