Нұр-Сұлтан. 2 маусым. 7kun.kz – Қазақстандықтар үшін маусым айынан бастап зейнетақы мен жәрдемақы өседі, деп хабарлайды 7kun.kz.

Сондай-ақ, маусым айында халық сәуір мен мамыр айларының қосымша төлемдерін де ала алады.

“12 мамырда заң қабылданды. Соған сәйкес 1 сәуірден бастап 2022 жылға арналған инфляциялық дәлізді қайта қарауды ескере отырып, мемлекеттік әлеуметтік сақтандыру қорынан (МӘҚҚ) зейнетақылар мен әлеуметтік төлемдердің мөлшері қосымша 4%-ға өсті. Ең төменгі күнкөріс деңгейі мен айлық есептік көрсеткіштің өзгеруіне байланысты базалық зейнетақы мен жәрдемақы да 4%-ға өсті”, – деп мәлімдеді "Азаматтарға арналған үкімет" КЕАҚ баспасөз қызметі.

Заңға сәйкес, 1 сәуірден бастап:

айлық есептік көрсеткіш (АЕК) – 3180 теңге мөлшерінде;

ең төменгі зейнетақы – 48 032 теңге;

ең төменгі күнкөріс деңгейі (ӨМ) – 37 389 теңге;

базалық зейнетақы төлемінің ең төменгі мөлшері – 20 191 теңге.