Нұрсұлтан Назарбаев "Нұр Отан" партиясы төрағасының бірінші орынбасары ретінде Мұхтар Құл-Мұхаммедті таныстырды. Бұл туралы Ақорда баспасөз қызметінің Twitter-дегі ресми парақшасында хабарланды. 

Мұхтар Құл-Мұхаммед бұл орында бүгін ауыл шаруашылық министрі болып тағайындалған Асқар Мырзахметовты алмастырды. Осыған дейін Мұхтар Құл-Мұхаммед Қазақстан Президенті кеңесшісі қызметін атқарған. Қызметтік карьерасында 4 рет мәдениет және ақпарат министрі болды. 2012 жылы мемлекеттік хатшы лауазымына бекітілді.