Мұнай бағасы соңғы екі күннен бері құлдырап, сәрсенбі күні АҚШ нарығындағы отын қоры көлемінің азаюы туралы жаңалықтан кейін қайта жоғарылады. Бұл туралы Bloomberg агенттігі жазды. 

Brent маркалы мұнай бағасының мамыр айына арналған фьючерсі Лондон қор биржасында (ICE Futures) Мәскеу уақытымен сағат 7:40-та 1,1%-ға артып, барелліне 39,17 долларды құрады. Ал WTI маркалы мұнай фьючерстерінің белгіленімдері сәуір айына арналған Нью-Йорк биржасында 1,5%-ға өсіп, барреліне 36,90 доллар болды.