Апта басында Қазақстан президенті Нұрсұлтан Назарбаев Ұлттық банк төрағасы Данияр Ақышевпен кездесті. Олар ақша-несие саясатын, қаржылай тұрақтылықты және экономиканы несиелендіру мәселелерін талқылады деп хабарлайды Ақорданың баспасөз қызметі.  Президент қазақстандықтардың теңгеге деген сенімін қайтарып, экономиканы долларсыздандыру жұмысын жалғастыруды тапсырды.  "Ұлттық валюта еркін айналымға жіберілгеннен кейін, халыққа теңгенің жағдайы айтарлықтай өзгермегендігін түсіндіру қажет. Валютаға шикізат бағасының өзгеруі әсер етеді, бұл қалыпты процесс. Инфляция деңгейін бақылап, қажетті тауарларды түгендеп, елдің әлеуметтік жағдайы төмен топтарына жәрдем беру қажет. Облыс әкімдері осы мәселені бақылауларына алуы тиіс",-деді Н.Назарбаев.