Президент Н.Назарбаев шенеуніктердің жалақысын көтеру, кеңейтілімдер мен штаттардың барлығына мораторий жариялады. Бұл жөнінде strategy2050.kz хабарлайды.  «Жаңа жобаларға кеткен шығын, жаңа бастамалар барлығы қатаң түрде бақылауға алынады. Себебі, біздің бюджетіміздің кіріс көлемін есепке алу керек. Кез келген бастамаларға: жалақы, кеңейтілім, штаттарға барлығына мораторий жариялаймын. Кем дегенде 2016-2018 жылдарға қатысты болады. Егер одан етерек жағдай түзелер болса, әрине, қарастыратын боламыз», — дейді Президент. Н. Назарбаев бүгінгі ахуалдың әрбір кәспорын мен басқармадан ұзақ мерзімді шараларды талап етеді деп атап өтті.