Астана. 26 маусым. 7kun.kz - Сенат депутаты, Еуразиялық медиа форумның ұйымдастырушы комитетінің төрағасы Дариға Назарбаева журналистік этика туралы сөз қозғады.

"Форумның ең басты тақырыбының бірі үнемі ақпараттық соғыс алаңында жүретін БАҚ өкілдерінің қазіргі жағдайы туралы болып отыр. Журналистік этика мәселесі соңғы кездері жиі көтеріліп жүр. Бүгін ақпарат беруге, қоғамды құлақтаныдыруға бағытталған бұл мамандықты таңдаушылар "Зиян келтірме" деген дәрігерлік принцпті ұстанатын Гиппократтың анты тәрізді ант беруі қажет", - деді Назарбаева.