Алматы. 7 қыркүйек. 7kun.kz — Оңтүстік Қазақстан облысында мақта терімі басталды. Бұл туралы ОҚО әкімінің баспасөз қызметі хабарлайды. 

2017 жылы облыста 134,6 мың гектар жерге мақта шиті себілген. Бұл өткен жылмен салыстырғанда 25 мың гектарға артық. 2016 жылы шаруалар әр гектарына орташа есеппен 26,2 центнерден өнім алып, барлығы 286,4 мың тонна ақ ұлпа жинаған. Егіс көлемінің артуына байланысты өңірде 300 мың тоннадан астам мақта жиналады деп жоспарланады.