Теңгеге қатысты доллар курсының көтерілуін Жандосов мырза Ұлттық банк әрекетімен байланыстырады. "Ұлттық банк бар болғаны теңгені шынайы курсына жақындатып келеді. Кеңейтілген дәліздің енгізілгеніне бір ай болды. Бұлар осыған дайын болды. Десе де, менің ойымша бүгінгі жасалған әрекет әлі де болсын жеткіліксіз. Теңгені шынайы курсы бүгінде бұдан жоғары", – дейді экономист. Және де көтеріңкі курстың кесірінен отандық бизнес зардап шегіп жатыр деген пікірде Жандосов. "Мұнайдың ағымдағы бағасын, рубльдің қазіргі курсын ескерсек, бүгінгі теңге курсы әлі де төмен. Ресейлік тауар өндірушілер біздің тікелей бәсекелестеріміз. Ұлттық банктің қандай шешім қабылдайтынын білмеймін. Теңге курсын жоғарлатуды осынша созғандарының өзі қызық. Құбылмалы курс бағытында одан әрі жүре бере ме, жоқ па білмеймін", – дейді ол. Теңге курсының түзетілуіне президент сайлауы әсер етуі мүмкін. Бірақ, Ұлттық банктің одан кейін үш ай бойы долларына 188 теңгелік бағаммен неліктен үлкен қаржы бөлгенін экономист түсінсем бұйырмасын деп отыр. Ақпарат көзі: Информбюро