Алматы. 17 шілде. 7kun.kz — Он жетінші шілдеге арналған мұнай және металл бағамдарының бағасы анықталды.

Мұнай: Brent сейсенбі күні қымбаттады, WTI Мексика шығанағындағы "Барри" дауылынан бұрын тоқтатылған операциялардың біртіндеп қайта жаңғыруы аясында өсім мен төмендеу арасында ауытқыды. 22: 10-ағы жағдай бойынша ICE Futures Лондон биржасында Brent мұнайының қыркүйек фьючерстерінің құны 66,64 долларды құрады, бұл алдыңғы сессия деңгейінен 0,24%-ға жоғары. Нью-Йорк тауар биржасында (NYMEX) тамыз айындағы WTI мұнайының фьючерстері 0,07%-ға - барреліне 59,54 долларға дейін арзандады.

Металдар: Бөлшек сауда көлемі бойынша жақсы есеп АҚШ доллары сұранысының артуына және АҚШ мемоблигацияларының кірістілігінің өсуіне әкелгеннен кейін алтын бағасы төмендеді, деп жазды investing.com. Өнеркәсіп өндірісінің көлемі бойынша әлсіз көрсеткіштер қысқа уақытта бұл төмендеуді тоқтатты. Сарапшылар позициялардың жоғары деңгейін ескере отырып, абайлап әрекет етуді ұсынады. 22:23-те Нью-Йорк тауар биржасының бөлімшесі COMEX-те алтынға тамыз фьючерстері 0,1%-ға төмендеп, бір троялық унциясы 1411,2 долларға сатылды. Күміс фьючерсінің құны 1,9%-ға, унция үшін 15,652 долларға дейін көтерілді.

Криптовалюталар: coinmarketcap.com порталының мәліметтері бойынша, 22:25-те bitcoin 10 054,20 долларға сатылды. Соңғы 24 сағатта бірінші крипто-валюта 5,06%-ға арзандады, ал оның капитализациясы 179,1 млрд долларды құрады. Осы уақытта Ethereum бағасы 8,79%-ға арзандап, 210,62 доллар тұрды. Бұл криптовалютаны капиталдандыру 22,5 млрд долларды құрады. Нарықтың жаһандық капитализациясы - 285,2 млрд доллар.