Алматы. 13 қараша. 7kun.kz —  ҚР-да тоғыз айдың қорытындысы бойынша жеміс-жидек және көкөніс шырындарының өндірісі 45,1%-ға, 54,3 млн литрге дейін төмендеді. Ал бір жыл бұрын 98,9 миллион литр өндірілген. Мұндай мәліметтерді energyprom.kz ұсынды.

Өндірістің қысқаруы барлық санаттар бойынша белгіленді. Қызанақ шырыны өткен жылмен салыстырғанда 19,6%-ға, апельсин шырыны - 8,5%-ға аз өндірілді. Ал алма шырынын дайындау өткен жылдың ұқсас кезеңімен салыстырғанда бірден екі есеге азайды.

Сектордағы теріс динамика бірнеше жылдан бері жалғасып келеді. Сонымен, 2018 жылы қазақстандық шырын өндірушілер 2017 жылғы 152,6 миллион литрмен салыстырғанда тек 122,8 миллион литр өнім өндірді.

Отандық өндірістің төмендеуі аясында импорт заңды түрде ұлғайды: 2019 жылдың қаңтар-тамыз айларындағы қорытындысы бойынша 12,5%-ға. Қазіргі уақытта қазақстандық компаниялар сұраныстың үштен екі бөлігін ғана қамтамасыз етеді, ал нарықтың 34,5%-ын иеленді, бұл өткен жылдағы 19,8% көрсеткіштен әлдеқайда жоғары.

Сонымен қатар тұтыну төмендеді: ішкі нарықта жеміс-көкөніс шырындарын сату бір жыл ішінде бірден 35,9%-ға қысқарды.

Айта кетейік, шырындар бағасы алкогольсіз сусындарға қарағанда тез өседі.

2019 жылдың он айының қорытындылары бойынша бағаның өсуі 2018 жылдың қаңтар-қазанымен салыстырғанда 8,8%-ды құрады, ал алкогольсіз сусындар бағасы 7,1%-ғв өсті, ал жалпы инфляция деңгейі 5%-дан сәл ғана асты.